3.1 Leierskap en bestuurstrategiee om wins te verseker  (Page 2/2)

Die waarde van advertensies en bemarkingsveldtogte moet nie onderskat word nie. Aangesien dit egter baie duur kan wees moet die voordeel daarvan teen die koste opgeweeg word.

Leierskap en bestuurstrategieë wat gerig is op die verkryging van goeie opbrengste moet ingestel wees op die korttermyn, maar ook die toekoms van die onderneming oor die langtermyn in aanmerking neem. Die primêre doelwit is dus om ’n redelike wins te verdien en ’n gesonde finansiële toestand in die onderneming te handhaaf.

Groepsopdrag:

• Verdeel ’n vel karton in twee en plak tydskrifprente van diensondernemings aan die een kant en handelsondernemings aan die ander kant. Kies een diensonderneming en een handelsonderneming op jou plakkaat en skryf punte neer wat die bestuur by elkeen in ag moet neem om goeie wins op hul opbrengs te verseker.

Aktiwiteit 3:

Om transaksies op te teken en eienaarsbelang en wins te bereken

• Voltooi die tabel op die volgende bladsy met behulp van die inligting hieronder.

Transaksies van Dixon Droogskoonmakers, eienaar D. Dixon.

1 D. Dixon het ’n besigheid begin met die naam, Dixon Droogskoonmakers, deur R50 000 in die onderneming se lopende bankrekening te deponeer.

2 Betaal die munisipaliteit per tjek 001 vir ’n handelslisensie, R500.

3 Huur ’n gebou van Ena Eiendomme en betaal per tjek 002, R1 000.

4 Koop ’n afleweringsvoertuig van Rennie Motors en betaal per tjek 003, R52 000.

5 Koop skryfbehoeftes aan van Skryfbehoeftes Bpk. en betaal per tjek 004, R70.

6 Reik tjek 005 uit aan Skoonmaak Materiaal Verspreiders vir skoonmaakmateriaal, R500.

7 Kontant ontvang vir dienste gelewer volgens kasregisterrol, R3 520.

8 Betaal die telefoonrekening aan Telkom per tjek 006, R180.

9 Reik tjek 007 uit aan Elkie Handelaars vir toerusting aangekoop, R15 000.

10 Betaal die munisipaliteit R600 per tjek 008 vir water en elektrisiteit.

11 Wissel kontanttjek 009 vir R900 vir die betaling van lone.

12 Kontant ontvang vir dienste gelewer volgens kasregisterrol, R2 100.

13 Koop ’n industriële droogskoonmaakmasjien vir die lewering van dienste vanaf Industrial Bpk. en betaal per tjek 010, R3 000.

14 Kontant ontvang vir verhuring van ’n gedeelte van die gebou, R2 500.

Tabel vir boekstawing van Dixon Droogskoonmakers se transaksies

(a) Toon aan wat die effek van die transaksies op die bates en eienaarsbelang sal wees.

(b) Bepaal die totale inkomste.

(c) Bepaal die totale uitgawes.

(d) Bereken die wins.

Assessering