9.3 Transformasies  (Page 2/3)

Refleksie van ʼn punt

Wanneer jy voor ʼn spieël staan, is die afstand tussen jou en die spieël gelyk aan die afstand tussen jou refleksie en die spieël.( $d$ )

Ons kan dieselfde idee toepas op ʼn punt wat reflekteer word in die $x$ -as, die $y$ -as en die lyn $y=x$ .

Refleksie in die $x$ -as

Wanneer ʼn punt reflekteer word in die $x$ -as, moet die refleksie dieselfde afstand onder die $x$ -as wees as wat die punt bo die $x$ -as is en vice-versa, asof dit ʼn spieelbeeld is.

Refleksie in die $y$ -as

As ʼn punt reflekteer word in die $y$ -as, moet die refleksie dieselfde afstand links en regs van die $y$ -as wees.

Refleksie in die lyn $y=x$

Die laaste tipe refleksie wat ons gaan behandel, is refleksie in die lyn $y=x$ .

Gevallestudie : refleksie van ʼn punt in die lyn $y=x$

Bestudeer die gegewe inligting en voltooi die volgende tabel:

Wat kan jy aflei omtrent die koördinate van die punte wat reflekteer word in die lyn $y=x$ ?

Die $x$ - en $y$ - koördinate van punte wat in die lyn $y=x$ reflekteer word, ruil net om. Dit beteken dat die $x$ -koördinaat van die oorspronklike punt, die $y$ -koördinaat van die nuwe punt word. Soortgelyk word die $y$ -koördinaat van die oorspronklike punt, die $x$ -koördinaat van die nuwe punt word.