2.7 Die mens se gebruik van elektriese energie

Natuurwetenskappe

Graad 4

Energie en verandering

Module 32

Die mens se gebruik van elektriese energie

Aktiwiteit:

Om te ondersoek hoe elektriese energie deur die mens gebruik word

[lu 1.2, 1.3, 2.2]

In ons land, Suid-Afrika

Ons kry ons elektrisiteit van kragsentrales wat elektrisiteit aan die hele land voorsien. Elke dorp of stad se energievoorsiening hang af van die grootte van die gebied, die getal huise, die getal fabrieke en die getal mense.

Knip prentjies uit ou tydskrifte om die gebruik van elektrisiteit in julle dorp of stad uit te beeld. Plak dit op ‘n vel papier.

Skryf ‘n kort sinnetjie oor energieverbruik in die volgende plekke. Beskryf hoe jou eie kultuurgroep deur die jare wat verby is veilige maniere gevind het om energie te gebruik.

Op plase:

In fabrieke:

In myngebiede:

In ons gemeenskap:

Maak jou eie lys van die plekke waar elektrisiteit in ons gemeenskap gebruik word.

Hieronder volg drie opdragte. Kies een en doen ‘n rolspel daaroor.

Daar is ‘n kragonderbreking in jou skool. hoe beïnvloed dit:

1. jou?
2. jou onderwyser?
3. die opsigter?
4. die sekretaresse?
5. die skoolhoof?

Daar is sommige skole in ons land wat nie elektrisiteit het nie. Wat dink jy doen hulle om hulle skoolwerk te doen?

Daar is ‘n kragonderbreking in die hospitaal. hoe beïnvloed dit:

1. die pasiënt?
2. die dokter en verpleegpersoneel?
3. die kombuis?
4. die teater?

Daar is ‘n kragonderbreking in die supermark. hoe beïnvloed dit:

1. die kliënt?
2. die bestuurder?
3. die kasregister?
4. die bakkery-afdeling
5. die vleisafdeling
6. die yskaste?

Assessering

LEERUITKOMS 1: WETENSKAPLIKE ONDERSOEK

Die leerder is in staat om met selfvertroue op weetgierigheid oor natuurlike verskynsels te reageer, en om binne die konteks van wetenskap, tegnologie en die omgewing verbande te ondersoek en probleme op te los.

Assesseringstandaard

Dis duidelik wanneer die leerder

• ondersoeke uitvoer en data versamel;
• data evalueer en bevindings kommunikeer.

LEERUITKOMS 2: KONSTRUKSIE VAN WETENSKAPLIKE KENNIS Die leerder ken, interpreteer en pas wetenskaplike, tegnologiese en omgewingskennis toe.

Assesseringstandaard

Dis duidelik wanneer die leerder

2.2 inligting kategoriseer.

Memorandum

In ons land Suid-Afrika

Skryf ‘n kort sinnetjie oor energieverbruik in die volgende plekke: (Die kinders moet hulle eie sinne volgens hul kulturele groep skryf, hoe deur die jare wat verby is, hulle veilige maniere gevind het om energie te gebruik. Hierdie sinne is net riglyne.)

Op plase:

Boere gebruik elektrisiteit om tyd, energie en geld te bespaar, maar dan het hy dalk nie so baie werkers nodig nie.

In fabrieke:

Fabrieke kan nie sonder elektrisiteit werk nie. Die masjiene wat produkte maak, werk baie lang ure.

In myngebiede:

Masjiene wat in myne gebruik word, gebruik elektrisiteit. Dit bespaar tyd en maak die myners se taak makliker.

In ons gemeenskap

Lys die plekke waar elektrisiteit in ons gemeenskap gebruik word.

• Huise
• Supermarkte
• Apteke
• Hospitale
• Strate
• Inkopiesentrums
• Kerke
• Enige aanvaarbare antwoord

Kolom AKolom BMaak nat klere droogTuimeldroërKyk stories en natuurprogrammeTelevisieNeem boodskappe wanneer iemand nie tuis is nieTelefoonantwoordmasjienHou die lug koel in ‘n vertrekLugversorgerKook kos daaropStoofWas vuil klereWasmasjienMaak ons klere weer netjiesStrykysterLuister na musiekHoëtroustel