5.5 Letterlike vergelykings

Vergelykings met letterkoëffisiënte (lettervergelykings)

'n Vergelyking met letterkoëffisiënte is een wat verskeie letters of veranderlikes bevat. Voorbeelde sluit die area van 'n sirkel ( $A=\pi r^2$ ) in en die formule vir die berekening van spoed ( $s=\frac{d}{t}$ ). In hierdie afdeling sal jy leer hoe om vergelykings met letterkoëffisiënte op te los in terme van een van die veranderlikes. Om dit te doen, sal jy die beginsels oor die oplos van vergelykings wat jy geleer het, gebruik en toepas om die woordvergelykings te herrangskik. Die oplos van vergelykings met letterkoëffisiënte staan ook bekend as verandering van die onderwerp van 'n formule.

Wanneer jy lettervergelykings oplos, behoort jy die volgende in gedagte tehou:

• Ons isoleer die onbekende deur te vra wat daaraan verbind is en hoe dit daaraan verbind is en dan doen ons die teenoorgestelde bewerking (aan beide kante as 'n geheel).
• As die onbekende veranderlike in twee of meer terme voorkom, haal ons dit uit as 'n gemeenskaplike faktor.
• As ons weerskante die vierkantswortel moet neem, onthou dat daar 'n positiewe sowel as 'n negatiewe antwoord mag wees.
• As die onbekende veranderlike in die noemer is, dan vind ons die kleinste gemene noemer (KGN), vermenigvuldig weerskante met die KGN en gaan dan voort om die probleem op te los.

Oplos van lettervergelykings

1. Los op vir t: $v=u+\mathrm{at}$
   
2. Los op vir x: $ax-bx=c$
   
3. Los op vir x: $\frac{1}{b}+\frac{2b}{x}=2$