2.9 Om 'n eenvoudige elektriese skakelaar te maak

Natuurwetenskappe

Graad 4

Energie en verandering

Module 34

‘n eenvoudige elektriese skakelaar

Aktiwiteit:

Om ‘n eenvoudige elektriese skakelaar te maak

[lu 3.2]

Jy sal die volgende nodig hê:

• ‘n klein blokkie hout: 8 cm x 4 cm x 1 cm
• ‘n skuifspeld
• twee drukspykers
• drie stukkies draad met plastiekomhulsel, 25 cm lank
• ‘n 4,5 volt gloeilampie in ‘n houer
• ‘n 4,5 volt battery
• ‘n skroewedraaier

1. Maak ‘n stukkie draad aan elke drukspyker vas. Druk een drukspyker in die plat kant van die stukkie hout vas. Druk die tweede drukspyker deur die ogie van die skuifspeld en druk dit ook in die hout vas. Die drukspykers moet ongeveer 1 cm uit mekaar wees.
2. Maak seker dat die skuifspeld in plek gehou word deur die drukspyker, maar dit moet nog steeds kan draai om die ander drukspyker te raak. Dit is die skakelaar.
3. Om die skakelaar te toets, konnekteer die ander punt van die een draadjie aan die een kant van die battery. Konnekteer die derde draadjie aan die ander kant van die battery en aan die gloeilamphouertjie.
4. Konnekteer die vry draad op die skakelaar aan die vry skroef aan die gloeilamphouer.

1. Wanneer jy die skuifspeld draai sodat dit altwee drukspykers raak, sal die gloeilampie brand. As jy dit weer wegdraai, sal dit ophou brand.

Onthou: Moet nooit aan oop elektriese drade raak nie!

Kleur alles wat elektrisiteit gebruik rooi in.

Assessering

LEERUITKOMS 3: WETENSKAP, DIE SAMELEWING EN DIE OMGEWING Die leerder is in staat om begrip van die onderlinge verband tussen wetenskap en tegnologie, die samelewing en die omgewing te toon.

Assesseringstandaard

Dis duidelik wanneer die leerder

• die impak van wetenskap en tegnologie verstaan.